Vizita e ish-presidentit Hashim Thaçi në Kosovë pas vdekjes së babait të tij Haxhi Thaçi, ka marrë vëmendjen edhe të mediave të huaja, atyre britanike e amerikane.

Prestigjiozja “The Independent” ka raportuar për kthimin e Thaçit në Kosovë, duke shkruar për vizitën tek varri i babait në Burojë të Skenderajt.

“Ish-presidenti i Kosovës Thaçi, viziton varrin e babait pasi gjykata e Hagës nuk e lejoi atë të marrë pjesë në varrim”, shkruan “The Independent”, transmeton Express.

Për këtë ka raportuar edhe medium amerikan “The Washington Times”, duke shkruar gjithahstu se Thaçi s’është lejuar nga Haga që të marrë pjesë në varrimin e babait të tij të martën.