Manchester City ka kthyer tashmë fokusin nga merkatoja. “Qytetarët” do t’i nënshtrohet një revolucioni të vërtetë gjatë kësaj periudhe, pasi dështuan të fitonin trofe në këtë sezon.

Kështu Pep Guardiola i ka vënë syrin futbollistit të Barcelonës. Fermin Lopez pëlqehet nga spanjolli, i cili kërkon ta ketë pjesë të ekipit të tij. Pavarësisht se është 21-vjeç, Lopez ka treguar se di të marrë shumë mirë përgjegjësi dhe të jetë një lojtar kyç.

Kalimi i mundshëm i Nico Williams te Barça mund të ndikojë që Lopez të largohet. Anglezët po mendojnë për një oferte prej 50 milionë eurosh. Shumë e cila do të shkonte në arkat e Barçës, me katalanasit që mund t’i përdorin për të bërë ndonjë transferim tjetër gjatë kësaj merkatoje.