Geek

Facebook evakuon katër ndërtesa – dyshohet për substancë vdekjeprurëse

07/02/2019 08:18
nga:Gazeta Blic

Facebook Inc ka evakuuar katër ndërtesa dhe dy persona po dyshohet se janë ekspozuar në Sarin pasi një pako e dyshimtë është dorëzuar në objektin e postës në Silicon Valley.

Njerëzit të cilët kanë pasur kontakt me paketën e dyshimtë nuk kanë treguar ndonjë simptomë të ekspozimit ndaj Sarin, tha Jon Johnson, zjarrfikës në qytetin e Menlo Park, ku është edhe baza e Facebook.

“Njësia (Facebook) teston të gjitha paketat që vijnë. Tani ne vetëm presim për të verifikuar nëse kjo është e vërtetë apo jo”, tha ai.

Zëdhënësi i Facebook Anthony Harrison tha se kompania evakuoi katër ndërtesa pas testit dhe po bashkëpunonte me policinë në hetim.

“Autoritetet nuk kanë identifikuar ende substancën e gjetur. Që tani, tre prej ndërtesave evakuuara janë pastruar”.

Sarin është një përbërës i fuqishëm helmues që pengon sistemin nervor, i cili është përdorur edhe si një armë kimike. Ekspozimi mund të jetë fatal.