Lajme

Do të mbeteni pa fjalë: Vetëm shikoni sa kushton nata në hotelin turk ku u tha se po pushon Hashim Thaçi

08/09/2019 20:32
nga:M K

“Një plazh i tërë” veç për Hashim Thaçin, kështu shkruan gazeta beogradase “Blic”, duke njoftuar se presidenti i Kosovës është duke i kaluar pushimet në Bodrum të Turqisë në një pallat ultraluksoz.

Nuk dihet nëse vërtetë Hashim Thaçi ka qenë ose ndodhet për pushime në Bodrum, një vend i preferuar edhe nga presidenti turk Recep Tayyip Erdogan, pasi ai zakonisht nuk bën njoftime për se ku i kalon pushimet verore.

Presidenti, nëpërmjet llogarisë së tij në rrjetin social Facebook, në internet, ka thënë se ndodhet në Kosovë, duke bërë të ditur se ka kaluar ditën në Prevallë e në bjeshkët e Sharrit.

Sido që të jetë, medium serb që është nën kontrollin e Vuçiqit shkruan se përderisa në Kosovë po kërkohet data e zgjedhjeve dhe po bëhen përpjekje për tejkalimin e krizës politike, Hashim Thaçi ka vendosur të pushojë në një prej hoteleve më luksoze në Bodrum të Turqisë ku nata më së paku kushton 5.600 euro.

Blic ka publikuar edhe pamjet ku, sipas tij, Hashim Thaçi është duke u relaksuar.

11/18/2019 15:19

Thaçi takohet me Ramën, diskutojnë për mbrojtjen dhe promovimin e interesave të dy shteteve