Ish-diplomati, Avni Arifi ka folur rreth Forumit të Bledit ku i pranishëm është edhe kryeministri Kurti.
Arifi atë e quan një konferencë portokalare dhe sipas tij një mundësi e artë që të takohet Edi Rama me Albin Kurtin.
“Sa i përket takimit të Bledit po përkufizohem në pershkrimin e komunikates së ZKM se takimi u mbajt “në freskinë e bjeshkëve dhe pranë pamjes magjepëse të Liqenit”. Një konferencë protokolare dhe mundësi e artë me u taku Edi Rama me Albin Kurtin”, tha Arifi.
Arifi në një prononcim për GazetaBlic ka komentuar deklaratat e emisarëve që sipas tij, po paralajmërojnë një vjeshtë të nxehtë rreth çështjes së dialogut Kosovë-Serbi.
“Deklaratat e Emisarëve paralajmërojnë vjeshtë të nxehtë. Uroj që pushimet të i ketë shfrytëzuar Qeveria për një çasje të re që fillimisht do të rezultonte me implementimin e plotë të marrëveshjes së Bratisllavës e cila është parakusht për hjekjen e masave kundër Kosovës të vendosura nga BE”, tha Arifi.
“Këto masa po e dëmtojnë rënd ekonominë e Kosovës kurse zvarritja e mëtutjeshme e implementimit të marrëveshjes do të sjellë pa asnjë dyshim pasoja edhe politike”, tha Arifi për GazetaBlic.
Kujtojmë se, nga Bledi Kryeministri theksoi rëndësinë e zbatimit të marrëveshjeve të arritura vitin e kaluar në Procesin e Berlinit ku veçoi atë për lirinë e lëvizjes. Më 1 janar 2024 të gjithë qytetarët e Republikës së Kosovës do të lëvizin pa viza në vendet e Bashkimit Evropian ndërkohë që do t’ju kërkohen viza për në Bosnje dhe Hercegovinë. Në këto 50 ditët e mbetura para Samitit në Tiranë, është e rëndësishme që të fillojë zbatimi i plotë i tri marrëveshjeve që kemi nënshkruar në Berlin.
Kryeministri mirëpriti thirrjet e Kryeministrit të Sllovenisë, Robert Golob dhe presidentit të Këshillit Evropian, Charles Michel, për fokusim në zgjerimin e Bashkimit Evropian si dhe mundësitë për vendet e Ballkanit Perëndimor dhe nënvizoi respektimin e pakicave dhe njohjen reciproke si parakusht.
Bashkimi Evropian duhet të zgjerohet. Ballkani Perëndimor duhet ta mbështesë zgjerimin dhe vendet aspirante duhet të kryejnë reformat të cilat përshpejtojnë anëtarësimin.
