Deputetja e LDK-së, Valentina Bunjaku Rexhepi, ka thënë se Qeveria Kurti është gati në fund të mandatit zyrtar me bilanc negativ, raporton Gazeta Blic.
Përmes një postimi në Facebook, ajo ka rendit dështimet, si rritja e varfërisë, çmimet e larta të shportës familjare, rrymës, naftës, aferat e Martin Berishajt, afera e rezervave shtetërore.
Deputetja si dështime ka renditur edhe Asociacionin, mungesën e njohjeve, korrupsionin, nepotizmin, prishja e raporteve me Shqipërinë, e shumë të tjera.
Postimi i saj i plotë:
Qeveria Kurti 2 me shumicë parlamentare, gati në fund të mandatit zyrtar, e ka një bilanc jo vetëm negativ në fund të këtij viti, por edhe më shumë se kaq. Ajo dështoi në çdo gjë, me theks të veçantë, me kthim prapa në:
- Rritje të varfërisë
- Emigrim të lartë e intensiv të qytetarëve të Kosovë, me punësim vetëm në Gjermani
- Rritje të çmimit të shportës familjare
- Rritje të çmimit të energjisë dy herë
- Rritje të çmimit të naftës
- Afera e energjisë me Martin Berishajn dhe mbrojtja nga Qeveria
- Hetimet në KEK
- Afera e rezervave shtetërore për grurin e vajin
- Bojkotimi nga mazhoranca për Komisionin Hetimor mbi aferën e rezervave shtetërore
- Reduktimet e larta të energjisë elektrike
- Kthim mbrapa në shëndetësi me ministra që dhanë dorëheqje e rikthim ministri të dështuar në zgjedhjet në Prishtinë
- Degradim në arsim
- Dështim për ta faturuar rrymën në Veri
- Shumë shkelje kushtetuese
- Rritje e importit nga Serbia
- Prishja e raporteve me Shqipërinë
- Përçarja e shqiptarëve në Luginë, Tetovë e Ulqin
- Asnjë njohje e re për Kosovën
- Asociacion me vetëmenaxhim
- Performancë degraduese në ndërmarrjet publike
- Humbje e milionave në Arbitrazh Ndërkombëtar
- Rënie e investimeve të huaja e të mërgatës
- Vazhdim i shitjeve nga AKP, ndonëse premtonte ndaljen e tyre
- Konflikt me të gjitha sindikatat
- Zvogëlimi i pagave për shumë kategori, përfshirë profesorët universitarë
- Mungesa e transparencës
- Kapja e çdo bordi të ndërmarrjeve publike
- Nepotizëm
- Militantizëm partiak në punësim
- Korrupsion
- Tentim për ta kapur drejtësinë
E shumë dështime në çdo fushë.
