Ilir Kërçeli, shef i kabinetit të kryeparlamentarit, Glauk Konjufca, ka thënë se një deputet i Lidhjes Demokratike, nga viti 2011 deri në vitin 2013 ka shpenzuar 10,440 euro në derivate.

Kështu u shpreh ai nëpërmjet një postimi në Facebook.

“5220 euro për vit, apo 435 euro në muaj për dy vite me radhë. Transparencë deri në fund”, shkroi ai.

Javën e kaluar janë publikuar shpenzimet e deputetëve për derivate.

Ata morën qindra euro kompensim nga buxheti i shtetit sa herë që kanë udhëtuar në Prishtinë për seanca apo komisione.

Një gjë e tillë shkaktoi pakënaqësi te qytetarët dhe të njëjtit kërkuan që kjo rregullore e Kuvendit, e cila daton nga viti 2011, të ndryshojë.