Lajme

Deputetët e AAK: Mungesa e gjërave elementare në Spitalin e Gjakovës s’ka arsyetim

03/17/2020 08:21
nga:N.K

Dy deputetët e AAK-së nga Gjakova, sonte kanë vizituar Spitalin Rajonal të Gjakovës, ku janë pritur nga drejtori i Shërbimeve Shëndetësore, Afrim Dërvishi, si dhe së bashku me kryetarin e Rahovecit, Smajl Latifi, kanë vizituar QKMF-në e Rahovecit.

Lekaj ka thënë se kjo kohë e vështirë për shkak të koronavirusit, kërkon profesionistë të mirë.

Megjithatë ai ka shprehur një brengë, që buxheti i vitit 2020 nuk ka përfshirë edhe Ligjin për Paga, përmes të cilit rriten pagat e punonjësve shëndetësorë.

“Sonte bashkë me deputeten Haxhiu, vizituam Spitalin Rajonal të Gjakovës ku u pritëm nga Drejtori i Shërbimeve Shëndetësore Dr. Afrim Dërvishi, QKMF-në në Gjakovë, dhe me kryetarin Smajl Latfiti vizituam edhe QKMF-në në Rahovec. Kjo kohë e vështirë kërkon profesionistë të mirë. Ne besojmë shumë që ju jeni profesionistët e duhur në momentin e duhur. Kolegë të dashur, kur Kosova ka nevojë për Ju, Ju gjithmonë jeni në krye të detyrës. Projektligji për buxhetin e vitit 2020 fatkeqësisht nuk mendoi për ju. Prandaj e ftoj Qeverinë që urgjentisht të jetë më afër juve me pajisje mbrojtëse, sepse ju jeni vija e parë në front. Mungesa e pajisjeve elementare nuk ka arsyetim”, ka shkraur Lekaj.

Po ashtu, Lekaj u ka bërë thirrje qytetarëve që të respektohen rregullat që tashmë janë publike, përderisa ka inkurajuar punëtorët shëndetësorë në përballje me këtë virus.

“Qytetarë, ne mund të ndihmojmë duke respektuar rregullat që tashmë janë publike. Forca kolegë të dashur! Me ju do ja dalim! Lutemi për të gjithë të infektuarit. Pa panikë por me shumë KUJDES”, ka shkruar ai.

Sonte bashkë me deputeten Haxhiu, vizituam Spitalin Rajonal të Gjakovës ku u pritëm nga Drejtori i Shërbimeve…

Publiée par Pal Lekaj sur Lundi 16 mars 2020

 

09/28/2020 20:44

Simptoma më e besueshme për të kuptuar nëse jeni infektuar me koronavirus