Tyson Fury dhe Oleksandr Usyk do të zhvillojnë rimeçin mes tyre.

Rimeçi mes tyre do të zhvillohet më 21 dhjetor në Riad, transmeton GazetaBlic Sport.

Usyk doli fitimtar në meçin e parë unifikues të titujve, duke u bërë kampioni i parë i padiskutueshëm i peshave të rënda që nga Lennox Lewis në 1999.

Humbja nga Usyk ishte humbja e parë në karrierën profesionale të Furyt, i cili tashmë do të tentojë hakmarrjen e madhe.

Oleksandr Usyk është favoriti i basteve, por Tyson Fury do të jetë i vendosur të barazojë rezultatin pas humbjes së përballjes së parë.

Pothuajse të gjitha kompanitë e mëdha të basteve, e favorizojnë për fitore boksierin ukrainas, i cili në rast të fitores eventuale, do të dëshmonte superioritetin e tij.

/GazetaBlic Sport/