Sporti

‘Dardanët’ me një njoftim të rëndësishëm për biletat e ndeshjes Maqedoni e Veriut – Kosovë

02/18/2020 21:23
nga:M K

Kosova me 26 Mars zhvillon njërën nga ndeshjet më të rëndësishme në histori, pasi një triumf përballë fqinjëve do të na siguronte finalen e madhe të Ligës së Kombeve.

Kësisoj, emocionet lidhur me këtë duel sa vijnë e shtohen andaj, e një nga ato çështje të rëndësishme është edhe numri i biletave dhe shitja e tyre, përcjellë GazetaBlic.

Ka qenë tifo-grupi kosovar, “Dardanët’ që përmes një njoftimi kanë konfirmuar se do të jenë prezentë për ta përkrahur Kosovën, derisa më poshtë e keni postimin e para pak çasteve, ku mund t’i mësoni detajet sa i përket biletave.

Më poshtë e keni njoftimin e plotë:

“Nuk na ndanë edhe shumë kohë nga ndeshja historike me Maqedoninë e Veriut. Kosova e jonë do tē përballet me ekipin e fqinjit jugor me datën 26 mars, në gjysëm finalen e Play-off të Ligës së Kombeve për kualifikim nē Euro2020.

Ne, ‘Dardanët’ tifozët e Kosovës, si gjithmonë dhe gjithkund do të jemi aty në përkrahje të djelmoshave tanë. Por, këtë herë në një numër edhe më të madh për dallim nga ndeshjet e kaluara si mysafirë.

Andaj, ftojmē tifozët të fillojnë procedurat e njohura për biletat individuale për këtë ndeshje të madhe.

Luanët Dardanë kurrë nuk do të jenë vetëm.

Luanët Dardanë në fushë do ta kenë lojtarin e 12 nē tribuna – tifozët ‘Dardanë’.

Luanët Dardanë nuk dorëzohen kurrë nē fushë, siç nuk do të ndalet kurrë përkrahja e çmendur (por korrekte) e ‘Dardanëve’ në tribuna. Ëndrra Dardane e Europianit nuk ndalet në Shkup.

Ne do udhëtojmë me datën 26 mars 2020 pikërisht në ditën e ndeshjës në mënyrë të organizuar nga të gjitha qytetet e Kosovës së bashku të gjithë me autobusë. Biletat për këtë ndeshje keni kohë që deri me datën 28 shkurt ti rezervoni tek personat përgjegjës në qytete. Çmimi kushton 30.00 Euro, bileta e ndeshjës, rekuizita (duks me kapelë,shallë me simbole të Dardanëve), udhëtimi i organizuar me autobusë.

Prishtinë, Lorik Berisha, 049/970-561
Mitrovicë, Vedat Kurshumliu, 049/970-562
Pejë, Nermin Ferizi, 049/970-563
Prizren, Arianit Rexhaj, 049/970-564
Ferizaj, Driton Spahiu, 049/970-565
Gjilan, Avdyrahim Salihu, 049/970-566
Valon Selimi, 049/970-567
Skënderaj, Flamur Mustafa, 049/970-568

Gjithashtu në rast të ndonjë pa-qartësie ju mund të vizitoni FanClub “Dardanët”, për informata më të hollësishme.”

/GazetaBlic/

03/27/2020 18:33

Propozohet ndryshimi i orarit të orës policore në Kosovë, shkak tollovia e qytetarëve dhe rreziku nga pandemia