Lajme

Daka: Jo zgjedhje të reja pa reformë zgjedhore

11/27/2017 23:00
nga:anonymous1000144531

Kryetarja e Komisionit Qendror të Zgjedhjeve (KQZ), Valdete Daka, ka theksuar se vendi nuk duhet të shkojë në zgjedhje të reja, pa u bërë reforma zgjedhore.

Ajo në emisionin ka thënë se shpreson që pas certifikimit të rezultateve dhe përfundimit të gjitha procedurave administrative, shpreson që institucionet relevante do ta kenë parasysh urgjencën për reformë zgjedhore.

“Këto dy palë zgjedhje kanë treguar nevojën për reformë, veçanërisht ankesat të cilat e kanë bërë stërzgjatjen e procesit, për të vazhduar me listat e kandidatëve, të cilat janë parë si pengesë, janë tregues i mjaftueshëm që patjetër duhet ta bëjmë reformën zgjedhore. Pa vullnet politik nuk do të kemi reformë. Unë si bartëse e KQZ, institucion i cili ka ekspertizë në organizim të zgjedhjeve, e shoh si urgjente, që vitin e ardhshëm të ketë reformë zgjedhore”, ka shtuar Daka për televizionin Dukagjini.

Sipas saj, ka rekomandime edhe të vëzhguesve ndërkombëtarë e vendorë, të cilët kanë sugjeruar se duhet të ketë reformë zgjedhore.

“Besoj se është e dukshme se na nevojitet reforma zgjedhore”, ka shtuar Daka.

12/08/2019 08:54

KQZ: Brenda 60 ditëve pas certifikimit të rezultateve asgjësohet materiali zgjedhor