Cristiano Ronaldo ka fituar një çështje kundër Juventusit, të cilit i është urdhëruar nga një gjykatë e Torinos t’i paguajë lojtarit portugez 9.7 milionë euro, raporton La Gazzetta dello Sport.

Në vitin 2024, Gjykata e Arbitrazhit në Lozanë urdhëroi “Zonjën e Vjetër” t’i paguante sulmuesit portugez të Al Nassr 9.7 milionë euro, të cilat lojtari fillimisht duhej t’i merrte si kompensim pas transferimit të tij te Manchester United, transmeton GazetaBlic Sport.

Që nga fillimi i pandemisë së koronavirusit, Juventusi ka rënë dakord me Ronaldon për të shtyrë pagën e tij prej 19.6 milionë eurosh. Një marrëveshje shtesë është arritur në lidhje me bonuset për këtë shumë deri më 31 korrik 2021, gjë që ka bërë që portugezi të ngrejë një padi kundër klubit.

Menaxhmenti i Juventusit u akuzua për përhapjen e informacionit të rremë në lidhje me situatën financiare të klubit, manipulimin e tregut, paraqitjen e deklaratave të rreme të të ardhurave për transaksione joekzistente dhe pengimin e kontrolleve të auditimit.

/GazetaBlic Sport/