Sporti

Coutinho: I lumtur me golin, ndihmova skuadrën që të arrijë në finale

02/09/2018 08:47
nga:A. R.

Philippe Coutinho e ka cilësuar si moment të veçantë, pasi goli i tij i parë për Barcelonën i ndihmoi ata të arrinin finalen e Copa del Rey.

Ylli brazilian hapi rezultatin vetëm disa minuta pasi ai erdhi si zëvendësues gjatë fitores 2-0 të Barcelonës kundër Valencias.

Coutinho ishte i kënaqur me ndikimin që bëri në Mestalla, pasi goli i tij arriti të ndihmonte skuadrën drejt kualifikimit në finale të Kupës së Mbretit.

“Arritja e kësaj finale është një moment shumë i veçantë për mua, por ka akoma shumë ndeshje para kësaj kohe”, ka thënë fillimisht Coutinho për Gol TV pas ndeshjes.

 Coutinho në aksion gjatë ndeshjes ndaj Valencias (Getty Images)

“Është një ditë shumë e lumtur për mua sepse unë isha duke kërkuar që të shënoj golin tim të parë sa më shpejt”.

“E bëra këtu dhe e ndihmova ekipin të arrinte finalen me këtë gol”.

“Do të jetë e vështirë si të gjitha finalet, por do të jetë gjithashtu një lojë e madhe dhe kemi shumë kohë për t’u përgatitur për të”, përfundoi ylli brazilian.

Ndryshe, Barcelona në finale të Copa del Rey do të takohet me skuadrën e drejtuar nga Vincenzo Montella, Sevillan. /Telegrafi/

09/06/2019 17:46

Coutinho iu vetëofrua Manchester Cityt, Guardiola e refuzoi