Drejtori i të ashtuquajturës Zyra për Kosovën në qeverinë e Serbisë, Petar Petkoviq i është kundërpërgjigjur ministrit të Kulturës, Hajrulla Çeku në lidhje incidentet në Kishat Ortodokse Serbe në Kosovë.
Petkoviq me anë të një postimi në Twitter ka shkruar se nga viti 1999 janë shkatrruar 135 manastire dhe kisha serbe dhe shumë nga to janë ende të rrënuara dhe se sipas tij Prishtina zyrtare nuk e lejon rindërtimin e tyre.
“Që nga 1999, më shumë se 135 kisha dhe manastire të Kishave Ortodokse Serbe në Kosovë dhe Metohi janë shkatrruar. Serbia ka rinovuar më shumë se 45 tempuj. Shumë nga kishat janë ende të rrënuara, sepse Prishtina nuk lejon rindërtimin e tyre. Ata të cilët i kanë vënë flakën atyre, nuk mund të ruajntë trashëgiminë kulturore të Serbisë”, ka shkruar Petkoviq.
Since 1999, more than 135 churches and monasteries of SOC were destroyed in K&M. Serbia has renewed more than 45 temples. Many churches are still in ruins, because Pristina doesn`t allow their reconstruction. Those who were setting them on fire can`t preserve ?? cultural heritage https://t.co/LrytE1H4FH pic.twitter.com/r7LBCVVezh
— Петар Петковић (@PetkovicPetar) June 1, 2021
Ndërkaq sot gjatë ditës, Ministri i Kulturës, Rinisë dhe Sportit, Hajrulla Çeku ka thënë se sipas të dhënave të Policisë së Kosovës, vetëm 8 incidente kanë ndodhur në Kishat Ortodokse serbe në Kosovë gjatë vitit 2020 dhe nga to asnjë me motive fetare.
Në një postim në Twitter, Ministri Çeku ka shkruar se nga 57 incidente në vende fetare, 45 kanë ndodhur në ato islame.
“Të dhënat e Policisë së Kosovës: nga 57 incidente në vendet religjioze gjatë vitit 2020, vetëm 8 kanë ndodhur në kishat ortodokse dhe 45 në vendndodhjet islame. Shumica e këtyre incidenteve ishin raste të vjedhjes, derisa asnjë nga këto 57 incidente nuk janë klasifikuar si të motivuara fetarisht”, ka shkruar Çeku.
Kosova Police data: out of 57 incidents at religious sites during 2020, only eight occurred at Orthodox churches and 45 at Islamic sites. Most of these incidents were cases of theft, while none of the 57 incidents were classified as religiously motivated.#WeProtectOurHeritage?? pic.twitter.com/s22OuYqKDv
— Hajrulla Çeku (@HCeku) June 1, 2021
