Sporti

Carlo Ancelotti: Premier League është më e këndshme se Serie A

05/22/2020 23:25
nga:Mergim Rreci

Carlo Ancelotti ka pohuar se Anglia është “më e këndshme” dhe ka “më pak presion” sesa Italia.

Ancelotti përfundoi pothuajse një dekadë larg nga Premier League në dhjetor 2019 kur u emërua trajneri i Evertonit, një muaj pas divorcit të tij të çrregullt nga Napoli.

“Është më e këndshme [të menaxhosh në Premier League], patjetër,” i tha ai Sky Sports, përcjell GazetaBlic.

“Këtu ka më pak presion nga mbështetësit dhe atmosfera është më e mirë në Angli.

“U ktheva në Itali pas nëntë vjetësh dhe nuk ndryshoi shumë, presioni është i njëjtë dhe me mbështetësit, ka shumë dhunë.

“Futbolli italian po përpiqet të ndryshojë, por nuk është e lehtë të ndryshosh kulturën e një vendi ku për fat të keq ka akoma dhunë dhe sulm.

“Këtu në Angli, njerëzit në stadium dhe unë po flas vetëm në stadium, janë më të respektueshëm.

“Në radhë të parë kam dashur të kthehem në Itali [pasi u largova nga Bayern]. Kam pasur një përvojë te Napoli dhe ishte një përvojë e mirë atje por nëse do të duhej të zgjidhja një kampionat, do të zgjedhi në Premier League për atmosferën që po ndjej këtu”.

“Fakti që pata mundësinë të vij në Everton ishte vërtet i rëndësishëm. Everton është një klub me një histori fantastike, traditë fantastike dhe ata kanë një qëllim të jenë në krye.

“Ne po mundohemi që, nëse jemi në gjendje pas mbylljes së COVID t’i arrijmë objektivat tona”.