Lajme

“Çarja” e parë e koalicionit VV-LDK: Marrëveshja e nënshkruar Kosovë- Serbi për hekurudhat dhe autostardën

02/15/2020 00:17
nga:Gazeta Blic

Koalicioni ndërmjet Vetëvendosjes dhe LDK-së duket se nuk ka nisur edhe aq mirë, shkruan Gazeta Blic.

Pa kaluar as dy javë që nga arritja e marrëveshjes LDK-VV, kanë dalë në sipërfaqe pakënaqësitë ndërmjet dy partnerëve të koalicionit.

Është marrëveshja e nënshkruar sot në Gjermani ndërmjet Kosovës dhe Serbisë për hekurudhat dhe autostradën, që ka nxjerrë ndasitë ndërmjet dy partive.

Dy partitë nuk kanë pajtueshmëri as për çështjen e reciprocitetit.

Derisa lideri i VV-së, Albin Kurti ka paralajmëruar vendosjen e reciprocitetit, lideri i LDK-së, Isa Mustafa ka dalë kundër këtij qëndrimi.

Derisa zyrtarë të lartë të LDK-së e kanë përshëndetur arritjen e marrëveshjes, kreu i VV-së Albin Kurti e ka kritikuar këtë marrëveshje.

“Sot në Berlin janë nënshkruar dy marrëveshje nga zyrtarë të autorizuar nga ish ministri Pal Lekaj dhe i gjithë procesi i negocimit është bërë para fillimit të Qeverisë sonë. Së këndejmi, këta zyrtarë nuk kanë marrë autorizim nga Qeveria e re as për të negociuar e as për të nënshkruar marrëveshje. Për më tepër as teksti i marrëveshjes nuk është bërë i njohur për publikun e për Qeverinë. Kanë qarkulluar drafte të ndryshme jozyrtare”, ka shkruar Kurti.

Sipas tij, sado që të gjitha lidhjet dhe avancimi i standardeve të infrastrukturës janë të domosdoshme për zhvillim të vendeve tona dhe pjesë e vizionit Evropian për bashkëpunim rajonal dhe marrdhënie të fqinjësisë së mirë, megjithatë është shumë me rëndësi që procesi të jetë transparent, rezultat i një negocimi të mirëfilltë dhe në respektim të plotë të sovranitetit dhe ligjeve të vendit, prioriteteve ekonomike dhe në harmoni me obligimet që dalin nga procesi i MSA-së.

“Për më tepër, nëse bazohemi te një verzion i marrëveshjes, po qe se analizohet për nga rëndësia ekonomike, hekurudha për në Leshak është më me prioritet dhe më e levërdishme sesa ajo për Merdare.”

“Në procesin e tranzicionit të qeverisjes, ne jemi duke analizuar të gjithë hapat që janë marrë në të kaluarën dhe ministritë përkatëse janë të angazhuara që këtë ta trajtojnë me prioritet”, ka shkruar Kurti.

Vjen reagimi i kryeministrit Kurti për nënshkrimin e dy marrëveshjeve me Serbinë

Mirëpo, ndryshe e kanë folur zyrtarët e LDK-sëPostimi i plotë:

Roli kyç i SHBA-së në dialogun e Kosovës dhe Serbisë është i domosdoshëm.

Çdo marrëveshje e arritur, e cila çon në normalizim të raporteve mes dy shteteve dhe në njohje reciproke është e mirëpritur.Letra e Sekretarit të Shtetit të SHBA-së, z. Pompeu dhe angazhimi i Ambasadorit Grenell janë tepër të qarta.

Në linkun në vazhdim e gjeni deklartën e nënkryetarit të LDK-së, Lutfi Haziri në lidhje me marrëveshjen e arritur.

Lutfi Haziri i ka dy fjalë për marrëveshjet Kosovë-Serbi

Ndërkohë zyrtari i VV-së ka kërkuar nga Lumir Abdixhiku që të merren masa ndaj zyrtarëve të Ministrisë që sot e nënshkruan marrëveshjen me Serbinë.

Në vazhdim e gjeni deklaratën e zyrtarit të VV-së:

Albin Kurti tha se marrëveshja u nënshkrua pa lejen e tij, zyrtari i VV-së ‘urdhëron’ Abdixhikun për shkarkimin e dy zyrtarëve

 

02/17/2020 10:34

Kjo është deklarata e Kurtit tek varri i presidentit Rugova