Milani vazhdon kërkimin për një sulmues të ri dhe kandidati i fundit – së bashku me Alvaro Morata – është gjermani Niclas Füllkrug.

Burime të shumta janë të sigurta se marrëveshja është bërë për Morata-n, i cili ka një klauzolë lirimi në kontratën e tij me Atletico Madrid dhe ka rënë dakord për kushtet personale, transmeton GazetaBlic Sport.

Ai mund të bëjë testet mjekësore javën e ardhshme, pas finales së EURO 2024 të së dielës, kur Spanja përballet me Anglinë në Berlin.

Megjithatë, kuqezinjtë duan gjithashtu një tjetër sulmues për të mbushur hapësirën e lënë nga kalimi i Olivier Giroud në LAFC, duke ndjerë se Luka Jovic nuk do të jetë i mjaftueshëm.

Tammy Abraham u përmend nga Roma , por kushton 25 milionë euro dhe ka një rekord të tmerrshëm lëndimesh, me Milanin që tashmë e dëshiron sulmuesin gjerman, Niclas Fullkrug.

/GazetaBlic Sport/