Albi Mall Superliga e Kosovës vazhdon me ndeshjet e xhiros së 24-të, ku dy të fundit janë në program për tu zhvilluar sot.

Padyshim që vëmendja e adhuruesve të futbollit kosovar do të jetë në Suharekë, ku Ballkani është nikoqir i Malishevës.

Dy skuadrat do të takohen për herë të dytë brenda katër ditëve pasi janë përballur edhe në mesjavë në kuadër të Kupës së Kosovës e ku Ballkani fitoi me lehtësi 0-3.

Suharekasit kërkojnë një tjetër fitore për ta rikthyer vendin e parë në tabelë i rrëmbyer nga Llapi pas fitores ndaj Gjilanit të shtunën në mesditë.

Në anën tjetër Malisheva ndodhet në top formë pasi ka katër fitore radhazi në kampionat dhe kërkon vazhdimësi.

Formacionet zyrtare të kësaj sfide:

Ballkani: Koliçi, Thaqi, Jashanica, Dellova, Trashi, Kuc, Emerllahu, Limaj, Tolaj, Gripshi, Danfa.

Malisheva: Gashi, Prekazi, Kryeziu, Xhaka, Pira, Veliu, Ferati, Vitija, Hazrollaj, Brruti, Aliu