Lajme

Apeli i fortë i mjekut shqiptar: Hiqini dorezat, ja çfarë deklaron studimi më i fundit amerikan

05/23/2020 09:53
nga:Y I

Mjeku i njohur Ilir Alimehmeti ka publikuar në rrjetet sociale informacionin më të fundit nga CDC, sipas të cilit Covid-19 nuk mund të transmetohet aq lehtë nga sipërfaqet e infektuara.

Në këtë kuadër, Alimehmeti i ka drejtuar një apel qytetarëve për të mos i mbajtur më dorezat mbrojtëse, pasi nuk janë të nevojshme, dhe në rastin e përdorimit të shpeshtë, dhe për një kohë të gjatë ato e humbasin çdo lloj funksioni.

Sipas studimit të CDC, mundësistë për t´u infektuar nga sipërfaqet apo objektet e infektuara janë të vogla, ndërsa në fillim nuk ishte i detajuar një informacion i tillë.

Postimi i Ilir Alimehmetit:

Lajm i mire miqte e mi! CDC (Centers for Disease Control and Prevention – USA) tani informon se virusi nuk trasmetohet me lehtesi permes prekjes se objekteve apo siperfaqeve te infektuara! Megjithese eshte ende e mundur, kjo mundesi eshte zbuluar qe eshte shume me e vogel se sa mendohej fillimisht. Pra, ato dorezat hiqini po patet mundesi!