Lajme

Anëtari i VV-së tregon arsyet pse nuk po formohet koalicioni VV-LDK

01/23/2020 09:33
nga:B. D

Anëtari i Lëvizjes Vetëvendosje (VV), Boiken Abazi, përmes një shkrimi në Facebook ka treguar arsyet se pse ende nuk ka koalicion mes VV-së dhe Lidhjes Demokratike e Kosovës (LDK), shkruan GazetaBlic.

Abazi përmes shkrimit ka treguar 10 pika ku tregon hapat që kishte marrë VV dhe LDK gjatë tërë kësaj periudhe, që nga 6 tetori.

Ai ka thënë se refuzimi i njëpasnjëshëm i LDK-së karshi ofertave të VV-së janë arsyet se pse ende nuk ka një marrëveshje mes këtyre dy subjekteve.

Shkrimi i plotë:

1. Me kushtetutë kryeparlamentari i takon Lëvizjes VETËVENDOSJE!

2. Kryeparlamentari iu ofrua LDK-së nga LVV, dhe LDK e refuzoi para 26 dhjetorit.

3. LVV e propozoi kryeparlamentarin pasi LDK deklaroi publikisht, 3 orë para seancës së 26 dhjetorit, se do ia votonte propozimin në Kuvend.

4. LVV propozoi dhe votoi në seancë Glauk Konjufcën, i cili u votua edhe nga LDK dhe deputetë të tjerë, duke marrë 75 vota Pro, 27 Kundër dhe 6 Abstenime.

5. LVV i dha publikisht emrat e 5 ministrave të qeverisë dhe e zëvendëskryeministrit që i takonin sipas marrëveshjes bujare, duke i lënë LDK-së gjysmën e qeverisë.

6. LDK nuk dha asnjë emër, as për ministra e as për Presidentin që po e kërkon ne ngulm, por po kërkon dorëheqjen e Glauk Konjufcës – edhe pse e votuan vetë dhe ai nuk ka bërë asnjë gabim, e u zgjodh në mënyrë legjitime e ligjore.

7. LVV i dha mundësinë LDK-së të zgjedh një ministri më shumë në vend të kryeparlamentarit. LDK u zotua ta çonte për votim në Këshillin e saj të Përgjithshëm këtë propozim të LVV, por nuk e bëri.

8. LVV po e thërret LDK-në të ulet sërish në tryezën e bisedimeve, por LDK po refuzon.

9. LVV ka bërë transparencë të plotë për publikun e gjerë.

10. LVV nuk po negocion me asnjë parti tjetër edhe pse mund ta kishte bërë prej fillimit, duke pritur ende LDK-në. Ndërkohë që zyrtarë të lartë të LDK-së kanë folur publikisht për mundësinë e koalicionit me parti të tjera.

*** Dikush mund të jetë mërzitur që nuk po formohet ende koalicioni LVV-LDK, por rilexoni edhe një herë 10 pikat më lart për të parë pse nuk po formohet.

1. Me kushtetutë kryeparlamentari i takon Lëvizjes VETËVENDOSJE!2. Kryeparlamentari iu ofrua LDK-së nga LVV, dhe LDK e…

Publiée par Boiken Abazi sur Mercredi 22 janvier 2020

12/24/2019 07:21

VV nuk tërhiqet, thonë se edhe po të donin nuk mund t’ia japin LDK-së presidentin