Ka përfunduar pa fitues gjysmëfinalja e parë e Ligës së Kampionëve mes Bayern Munich dhe Real Madridit. Bayern Munich ka luajtur baras ndaj Real Madridit me rezultatin 2:2 në ndeshjen e parë që u zhvillua sonte në “Allianz Arena”.
Ancelotti tha se është gjysmë i kënaqur për rezultatin e sotëm, teksa beson se do luajnë më mirë në Bernabeu, përcjell GazetaBlic Sport.
NDESHJA – “Mendoj se në fund patëm më shumë energji. Jemi gjysmë të kënaqur. Ata luajtën në nivelin e tyre më të mirë dhe ne jo. Ne ishim të mirë në reagimin ndaj dy golave të Bayernit”.
KROOS – “Lojtar fantastik. Shumë i rëndësishëm për ne sepse ai menaxhon kohën e ndeshjes. Pak mund të shohin dhe të bëjnë një tranzicion të tillë”.
BELLINGHAM – “Ai kishte ngërçe dhe nuk luajti një lojë në nivelin e tij. I gjithë ekipi nuk ishte entuziast, por ata janë në rregull sepse jemi në fund të sezonit. Ne do të jemi më të mirë në Bernabeu”, përfundoi ai.
/GazetaBlic Sport
