Lajme

Albulena Haxhiu tha se vendi shkon në zgjedhje nëse s’tërhiqet LDK nga posti i presidentit, vjen reagimi i ashpër i Besa Gaxherrit

12/11/2019 20:02
nga:Gazeta Blic

Deklarimet tejet të pamatura nga zyrtarët e Vetëvendosjes, janë një qëndrim tejet egocentrik i cili është dëshpërues për bashkëqeverisjen të cilën LDK e kishte planifikuar jo vetëm për këtë mandat por duke shpresuar në bashkëpunim më të gjatë”.

Kjo është deklarata që e ka bërë Besa Gaxherri e LDK-së, duke iu përgjigjur Albulena Haxhiut të VV-së e cila paralajmëroi se nëse LDK insiston në postin e presidentit, vendi shkon në zgjedhje.

Gaxherri, deklarimet e Haxhiut, i ka qujatuar kërcënime dhe të papjekura politikisht.

“Këto deklarata të llojit të kërcënimit na japin të kuptojmë se sa të papjekur politikisht janë këta zyrtarë të VV-së. Në fazën e tanishme, ne kemi thënë si LDK dhe po e ripërsërisë, se çdo pakënaqësi apo mospajtim i dy subjekteve, duhet të mbetet në tavolinën e bisedimeve. Vetëm kur të përfundon mundësia e koalicionit, partitë mund të japin deklarata të tilla çfarë i kemi dëgjuar deri më tani nga Vetëvnedosje. Me këtë rast edhe njëherë ftoi Ëetëvendosjen që të jenë të matur dhe korrekt në raport me LDK-në dhe votuesit e tyre dhe të LDK-së. Nuk mund të bësh partner për qeverisje duke i kërcënuar, shantazhuar e fyer ata.”-tha Gaxherri për ‘RADIO 1’.

Deputetja e rizgjedhur e LDK-së tutje ka shtuar se nëse vendi shkon në zgjedhje, LDK nuk mbanë përgjegjësi, porse ajo i takon Vetëvendosjes.

“Ne nuk mbajmë përgjegjësi për ta çuar vendin në zgjedhje por edhe nuk frikësohemi nga zgjedhjet. Pra, nëse ndodhë që vendi të shkojë në zgjedhje, Vetëvendosje duhet tju tregojë qytetarëeve të vendit se kënd do ta kenë partnerë për qeverisje, ose duhet të jenë të guximshem të thonë se Vetëvendosje nuk mund të krijojë qeveri sepse nuk ka partnerë në Republikën e Kosovës. Andaj, i ftojë këta zyrtarë që të jenë racional dhe brenda kësajë jave ta mbyllin marrëveshjen pozitivisht e të ecim tutje. Për ne vetëm kjo është formula e duhur për vendin.”-përfundoi Besa Gaxherri e LDK-së.