Lajme

Alarmon Donika Kadaj- Bujupi: Avdullah Hoti u dorëzua përballë Thaçit e Vuçiqit, Kosova do të dalë e gjymtuar nga dialogu

06/06/2020 23:33
nga:Gazeta Blic

Deputetja e AAK-së Donika Kadaj- Bujupi ka dalë kundër heqjes së masës së reciprocitetit, raporton Gazeta Blic.

Kryeministri Hoti nuk u dorëzua, ai thjesht po e luan rolin e tij në orkestrën e dirigjuar nga dy presidentët, Thaçi e Vuçiq, të cilët qe sa vite po nguten për ta arritur një marrëveshje fshehurazi nga popujt e tyre nëpër kthinat e Brukselit dhe Uashingtonit”, ka shkruar ajo.

Sipas saj, Kosova do të dalë e gjymtuar nga dialogu me Serbinë.

Reagimi i plotë:

Masat e reciprocitetit u hoqën për t’i hapur rrugë një dialogu krejtësisht të paqartë me Serbinë, që synon ta prodhojë një marrëveshje edhe më të paqartë për Kosovën.

Kryeministri Hoti nuk u dorëzua, ai thjesht po e luan rolin e tij në orkestrën e dirigjuar nga dy presidentët, Thaçi e Vuçiq, të cilët qe sa vite po nguten për ta arritur një marrëveshje fshehurazi nga popujt e tyre nëpër kthinat e Brukselit dhe Uashingtonit.

Presidenti Thaçi po e çon vendin drejt një vrime të zezë prej ku Kosova mund të dalë e gjymtuar, duke e imponuar autoritetin e tij mbi Kryeministrin Hoti. Fillim i keq!

Mustafa për fondin e MCC thotë se Kosova fitoi 250 milionë euro, ngacmon pak edhe VV-në