Sporti

Aguirre: Askush nuk e meriton Topin e Artë para Mohamed Salah

07/06/2019 20:55
nga:M K

Trajneri i ekipit kombëtar të Egjiptit, Javier Aguirre, beson se nëse ylli i Liverpoolit, Mohamed Salah, triumfon në Kupën e Kombeve të Afrikës, atëherë Topi i Artë do t’i takojë atij.

27-vjeçari egjiptian e ka shijuar një tjetër sezon mbresëlënës me Liverpoolin, gjatë sezonit 2018/19.

Në një nivel personal, ai nuk i arriti të njëjtat rekorde si në sezonin debutues me Liverpoolin, kur i shënoi 44 gola në të gjitha garat dhe e fitoi çmimin e Lojtarit më të Mirë të Vitit në Premierligë.

Megjithatë, këtë vit Salahu arriti t’i ndihmojë Liverpoolit ta fitojë titullin e Ligës së Kampionëve dhe e shtoi edhe një tjetër Këpucë të Artë të Premierligës në koleksionin e tij.

Ai tani është duke kërkuar suksese me ekipin kombëtar të Egjiptit, në vendlindje, dhe trajneri Aguirre beson se një medalje e artë e Kupës së Kombeve së Afrikës do t’ia siguronte atij edhe Topin e Artë.

“Unë e shoh se sa të vështirë e ka ai ta fitojë Topin e Artë. Pse të mos e fitojë tani? Ai është fitues i Ligës së Kampionëve me Liverpoolin”, tha Aguirre në një konferencë për shtyp.

“Nëse ai mund ta çojë Egjiptin drejt lavdisë në Kupën e Kombeve të Afrikës, atëherë askush s’do të mundë t’ia marrë atij Topin e Artë”.

11/13/2019 10:33

Dëmtimi i Salah më serioz se sa dukej, largohet nga kombëtarja e Egjiptit