Lajme

Adriatik Kelmendi del me një “version” për tejkalimin e krizës politike: Koalicioni VV-LDK të kthehet në “pikën zero”

03/19/2020 22:29
nga:Gazeta Blic

Analisti politik, Adriatik Kelmendi ka dhënë një propozim për tejkalimit të krizës qeveritare.

Sipas tij, dy partitë, pra edhe VV e LDK duhet të tërhiqen pas, raporton Gazeta Blic.

“Të hiqet taksa (edhe) për arsye humanitare tash kur po përballemi me pandeminë, të kthehet Veliu në qeveri, të tërhiqet mocioni i mosbesimit, t’i kërkojnë falje njëri-tjetrit LVV dhe LDK”, ka shkruar ai.

Propozimi i plotë:

Pse mos të provohet të bëhet një rikverc elegant?

Të hiqet taksa (edhe) për arsye humanitare tash kur po përballemi me pandeminë, të kthehet Veliu në qeveri, të tërhiqet mocioni i mosbesimit, t’i kërkojnë falje njëri-tjetrit LVV dhe LDK.

Kanë pasur mosmarrëveshje shumë të mëdha edhe para 3-4 vjetësh – i tejkaluan.
Patën mosmarrëveshje në prag të fushatës zgjedhore – i tejkaluan.
Patën mosmarrëveshje gjatë formimit të qeverisë – i tejkaluan.

Gjithmonë na thanë se po i tejkalojnë mosmarrëveshjet se më i rëndësishëm për ta është interesi i qytetarëve sesa interesi partiak.

SOT, ndoshta më shumë se kurrë, interesi i qytetarëve është qeverisja e mirë dhe stabiliteti institucional. Qytetarët janë duke u përballur me virus vdekjeprurës. LVV dhe LDK ta gjejnë forcën, edhe kësaj radhe për t’i tejkaluar mospajtimet. E kanë bërë më herët, ta bëjnë edhe sot. Sot, kur bëhet fjalë direkt – për jetë o vdekje!

Absolutisht, s’ka asgjë më të rëndësishme se jeta e qytetarëve!

Deputeti i LDK-së është i bindur: Qeveria e ardhshme do të jetë LDK-PDK

03/18/2020 18:19

“Thanë 4+4, por e përfunduan për 44 ditë, dhe lexojmë nga 44 postime në orë kundër njëri- tjetrit”