Lajme

420 shqiptarë vijnë në Kosovë për strehim, presin edhe 90 të tjerë të nisen brenda pak minutash

11/27/2019 09:19
nga:B. D

420 qytetarë të Shqipërisë kanë ardhur në Kosovë gjatë kësaj periudhe që kur ndodhi tërmeti i fuqishëm në Shqipëri, shkruan GazetaBlic.

Gjatë një transmetimi live në ABC news, një vullnetar nga Kosova tha se 420 persona deri më tani kanë arritur në Kosovë, ndërsa presin të shkojnë edhe 90 të tjerë brenda gjysmë ore do të nisën për në Kosovë, por ka edhe të tjerë që do të udhëtojnë për në Kosovë me makina private.

“Ne jemi vullnetarë që kemi ardh këtu dhe jemi në bashkëpunim me kompanitë e ndryshme, numri total që janë dërgu në Kosovë janë 420 persona”, tha vullnetari nga Kosova.

“90 persona tani do të dërgohen në Kosovë brenda gjysmë ore, janë edhe disa të tjera që presin të shkojnë në Kosovë me makina private”, shtoi ai.

Shumë kosovarë vullnetarë që nga dita e djeshme kanë shprehur vullnetin e mirë që në shtëpitë e tyre të strehojnë banorët të cilëve iu është shkatërruar shtëpia gjatë tërmetit, ose ata që nuk ndihen të sigurt të qëndrojnë.

12/11/2019 13:20

Haradinaj njofton se janë rikthyer në Shqipëri personat e fundit të strehuar në Parkun Inovativ në Prizren