Policia e rajonit të Ferizajt ka apeluar te qytetarët dhe pronarët e lokalëve, sidomos atyre klubeve të natës dhe ahengjet, që t’i respektojnë masat e parapara ligjore me qëllim të ruajtjes së shëndetit të tyre dhe shëndetit publik.
Policia e këtij rajoni thotë se në zbatim të vendimit të fundit të Qeverisë së RKS-së, për masat e përgjithshme dhe të veçanta për kontrollin, parandalimin dhe luftimin e Pandemisë COVID-19, ekipe të përbashkëta të policisë kanë shtuar aktivitetet e tyre në rajonin e Ferizajt.
“Në kuadër të këtyre aktiviteteve , përveç vërejtjeve policore 50 vërejtje policore, brenda 24 orëve janë shqiptuar 169 gjoba, ndaj qytetarëve të cilët nuk i kanë respektuar masat Covid-19, ndërsa janë mbyllur edhe 4 lokale të natës ( muzikë live), 2 asistime Ispektorëve Sanitarë të komunës së Ferizajt dhe 2 asisitime Shërbimeve Spitalore në Ferizaj. Drejtoria Rajonale e Policisë në Ferizaj, do të vazhdojë me aktivitete të tilla edhe në ditët në vijim, në parandalim dhe respektim të masave Civid-19, sipas vendimit të Qeverisës së Republikës së Kosovës .
Këto masa në masë të madhe po respektohen nga shumica e qytetarëve të cilët edhe i falënderojmë, por janë hasur edhe persona të cilët nuk i kanë përfillur të njëjtat. Apelojmë tek qytetarët dhe pronarët e lokalëve, sidomos atyre klubeve të natës dhe ahengjet, që ti respektojnë masat e parapara ligjore me qëllim të ruajtjes së shëndetit të tyre dhe shëndetit publik. Në vendimin e Qeverisë së RKS-së , kujtojmë pronarët e lokaleve të ndryshme që, ndër tjerash , Pika F , paragrafi 16 e precizon saktë , se nga data 20 gusht 2021, deri me datën 01 shtator 2021 , ndalohet veprimtaria e klubeve të natës, dasmave, fejesave , ahengjeve familjare dhe mbrëmjeve të maturës , në të gjithë territorin e Republikës së Kosovës”, thuhet në komunikatën e policisë.
Drejtoria Rajonale e Policisë në Ferizaj, fton qytetarët që kanë nëse kanë informacione se persona, apo vende të caktuara nuk respektohen masat Covid-19, të lajmërojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406
