Lajme

​Presidenti Thaçi pranoi kredencialet e ambasadorit të ri të Italisë

01/16/2020 19:35
nga:B. D

Presidenti i Republikës së Kosovës, Hashim Thaçi, ka pranuar sot kredencialet e ambasadorit të ri të Republikës së Italisë, Nicola Orlando.

Presidenti Thaçi i ka uruar ambasadorit Orlando mirëseardhje në Kosovë dhe e ka uruar për detyrën e re.

“Italia për ne është një partner strategjik dhe dëshirojmë të zgjerojmë edhe më shumë bashkëpunimin edhe ashtu të shkëlqyer në mes dy vendeve tona”, u shpreh Thaçi.

Ambasadori Orlando u shpreh i lumtur që do të vazhdojë punën në thellimin e bashkëpunimit në mes dy vendeve dhe konfirmoi se Italia dëshiron të shoh Kosovën si dhe tërë rajonin e Ballkanit Perëndimor të bëhen pjesë e BE-së.

Presidenti i Republikës së Kosovës ka shprehur mirënjohje për përkrahjen që Italia i ka dhënë Kosovës në të kaluarën por edhe sot, dhe shtoi se Kosova llogarit në përkrahjen e Italisë edhe në të ardhmen në rrugën e integrimit në NATO dhe BE.

02/20/2020 12:30

Thaçi: Selman Vojvoda ra heroikisht në istikamet paqësore kundër policisë dhe ushtrisë serbe