Lajme

Vjosa Osmani: Unë nuk do të jem shembulli i dorëzimit

07/15/2017 23:07
nga:Gazeta Blic

Femra më e votuar në Kosovë dhe njëra nga deputetët më të votuar në Kuvendin e Kosovës, Vjosa Osmani ka thënë se do të angazhohet maksimalisht që LDK të dal unike, pas kjo është ajo që e kërkon mesë shumti elektorati i LDK-së.

Në një emision në TV Dukagjini, Osmani ka thënë se vendimmarrja në LDK tash e tutje do të jetë më demokratike dhe ajo do të sigurohet për këtë.

Ajo ka dhënë vërejtje për gjendjen e tanishme të LDK-së, ku ka thënë se duhet ët ndryshojë logjika e përjashtimit në LDK, pasi në Këshillin Drejtues janë njerëz që nuk bëjnë asgjë për LDK-në, ndërsa përjashtohen kryetarët e degëve më të fuqishme, apo edhe deputetët të cilët përfaqësojnë elektoratin e LDK-së.

Ajo nuk ka dashur të merret me kritikët e saj, për të cilët tha se përgjigjen më të mirë e kanë marrë nga elektorati gjatë procesit e votimit.

“Unë nuk do të jem shembulli i dorëzimit. Nuk ka sfidë, nuk ka sulm, nuk ka konspiracion, që mua do të më bëjë të them mjaft, sepse të gjitha këto më kanë bërë më të fortë”, ka thënë ajo ndaj kundërshtimeve që ka përjetuar për një kohë të gjatë në LDK, transmeton KosovaPress.

Ajo ka thënë se është pro kontaktit dhe bisedave me Vetëvendosjen, përkundër përjetimeve jo të këndshme që kanë përjetuar me këtë parti për disa vite, por thotë se kjo është njëra nga kauzat që do ta dërgonte PDK-në në opozitë.

Osmani thotë se nuk është lehtë të arrihet një koalicion me Vetëvendosjen, pasi VV është një parti e majtë, kurse LDK është parti e qendrës së djathtë.

Po sipas Osmanit mbetet esenciale që të vazhdojë kundërshtimi ndaj PDK-së dhe ajo tha se ka një unanimitet të plotë në LDK kundër PDK-së.

Ajo thotë se nëse AAK dhe Nisma largohen nga PDK, LDK është e hapur për të biseduar me to, pro sipas Osmanit LDK mesë miri do të ishte që të jetë në opozitë, në mënyrë që t’i kthehet elektoratit dhe të merret më reforma.

09/23/2017 14:07

LDK-ja mbështet Angela Merkelin në zgjedhjet e Gjermanisë