Lajme

Salihaj: LDK u ndëshkua pasi iu bashkua partisë që ia vrau veprimtarët më të mirë!

06/15/2017 23:38
nga:Gazeta Blic

Ish-deputeti i LDK-së, Adem Salihaj, ka thënë se rënia e partisë së tij në pozitën e tretë është për shkak të bashkimit të saj me PDK-në në qeverisjen e fundit, për të cilën parti thotë se është prapa vrasjes së veprimtarëve të LDK-së.

Në Interaktiv të KTV-së, ai ka thënë se është i sigurt që SHIK-u ishte prapa shumë veprimeve kriminale, përfshirë vrasjen e veprimtarëve të LDK-së, ndërsa “SHIK-u është strukturë e PDK-së”.

“Isa Mustafa me veprimin e tij për t’iu bashkuar një partie që ka vrarë veprimtarët më të mirë të LDK-së ka lënduar qytetarët dhe elektorati e ka ndëshkuar LDK-në. Pra është votë e vetëdijesimit të LDK-së që nuk lejon shkeljen e premtimeve dhe parimeve që i ka pasur LDK-ja. SHIK-u ishte pjesë e strukturës së PDK-së dhe ka kryer lloj-lloj veprimesh kriminale. Jam i sigurt që pas akteve kriminale dhe vrasjeve të veprimtarëve të LDK-së është SHIK-u dhe PDK-ja. Nuk e përjashtojmë mundësinë që të ketë pasur edhe grupe tjera kriminale. Një bashkim i tillë u reflektua në këto zgjedhje”, ka thënë ai.

“Duhet ta shohim PDK-në si parti që ka pasur shumë struktura, në mesin e tyre edhe SHIK-un, e cila është themeluar nga PDK-ja dhe i ka shërbyer PDK-së. Një organizatë jolegjitime, kriminale”.

Ai ka thënë se edhe renditja e emrave të cilët janë të preferuarit ndaj Isa Mustafës dhe që nuk përfaqësojnë elektoratin e LDK-së në majë të listës ishte arsye tjetër për ndëshkim në votë.

07/20/2017 20:27

Hoti fajëson Thaçin për vonesat e konstituimit të institucioneve!