Lajme

Osmani: Qeveria do të duhej t’a informonte Haradinajn për riaktivizimin e fletarresteve të Serbisë

01/10/2017 14:05
nga:G Th

Deputetja e Lidhjes Demokratike të Kosovës Vjosa Osmani, konsideron se debati për arrestimin e liderit të AAK-së Ramush Haradinaj, nuk duhet të bëhet në lidhje me marrëdhëniet në mes të Kosovës dhe Francës, por në mes Kosovës dhe Serbisë.

Sipas saj është Serbia ajo e cila ka treguar një sjellje armiqësore ndaj Kosovës, jo vetëm gjatë viteve të 90-ta, por edhe pas përfundimit të luftës duke riaktivizuar fletarreste të cilat më parë ishin pezulluar.

Osmani për këtë riaktivizim të fletarresteve të Serbisë thotë se është dashur të jetë e informuar Qeveria e Kosovës, e cila më pas është dashur të informojë personat e apostrofuar në ato lista, në mënyrë të parandalimit të arrestimeve të kosovarëve siç ka ndodhur edhe në rastin e arrestimit të drejtorit të Policisë në Mitrovicë, Nehat Thaçit.

02/27/2017 17:58

Tomislav Nikoliqi në KS të OKB-së e quan “jonjeri” Ramush Haradinajn!

“Nëse qeveria ka pasur informatë, dhe nuk ka treguar le të sqarojë një gjë të tillë”, tha Osmani.

Osmani ka kërkuar nga deputetët e Kuvendit të Kosovës që të jenë të njëzëshëm në lidhje me çështjen e ndalimit të Haradinajt.