Lajme

“LDK ishte humbësja më e madhe”

07/17/2017 23:13
nga:Gazeta Blic

Ish-deputeti i Kuvendit të Kosovës, njëherësh ish-nënkryetari i Lidhjes Demokratike të Kosovës, Eqrem Kryeziu, ka vlerësuar se zgjedhjet e 11 qershorit kanë qenë inkurajuese.

Ai ka thënë se për herë të parë Kosova se ka përvetësuar emancipimin e votës.

Në një intervistë për gazetën ‘Epoka e Re’, Kryeziu e ka quajtur humbje të madhe për Kosovën renditjen e LDK’së në vendin e tretë.

Megjithatë, ai ka theksuar se shansi për partitë deri tani të mëdha po perëndon për turpin e tyre dhe për fatin e keq të Kosovës, sepse duhet tkohë të formohen pole të reja.

Kryeziu ka bërë thirrje që të mos zvarritet formimi i institucioneve të reja.

Ai ka thënë se nuk duhet të përsëritet historia e vitit 2014, kur për gjashtë muaj rresht kishte nënqeshje cinike.