Geek

Ky është gabimi që nuk duhet të bëni kurrë me telefonin, rrit rrezikun e shpërthimit

10/02/2017 21:07
nga:Gazeta Blic

Askush nuk e ka menduar që një veprim aq i thjeshtë sa karikimi i telefonit mund të rezultojë i rrezikshëm për shëndetin tuaj, por sipas departamentit të shërbimit zjarrfikës në Newton, New Hampshire kjo gjë mund të shndërrohet në rrezik nëse ju nuk e karikoni celularin në mënyrën e duhur.

Ky departament ka paralajmëruar njerëzit përmes një postimi në rrjetin social Facebook lidhur me rreziqet e mundshme shoqëruar me disa imazhe mjaft shqetësuese.

Sipas hulumtimeve më shumë se 53% e njerëzve karikojnë telefonin e tyre në shtrat ose nën jastëk.

Kjo mund të jetë shumë e rrezikshme sipas ekspertëve pasi nxehja e telefonit mund të shkaktojë shpërthim të tij.

Ekspertët ju këshillojnë gjithashtu për të mos e përdorur celularin gjatë kohës që e karikoni !

Sigurohuni që ta vendosni në një sipërfaqe të lëmuar si komodina apo një mobile tjetër, por asnjëherë mbi krevat ose në një vend ku telefoni mund të nxehet.