Lajme

Kuçi i bindur: 1 milion për qind, që Ramush Haradinaj nuk ekstradohet në Serbi!

04/13/2017 13:42
nga:Gazeta Blic

Zëvendëskryeministri i Kosovës, Hajredin Kuçi para studentëve të kolegjit ISPE ka folur edhe për ndalimin e kreut të AAK-së dhe ish-kryeministrit Ramush Haradinaj në Francë.

Ai tha se mendon që ndalja e Haradinajt në Francë është e padrejtë.

“Është e padrejtë në shumë aspekte e para duhet të them që Serbia nuk ka drejtë që të bëjë veprime dhe kërkesa të tilla në Interpol për diçka që nuk ka juridiksion dhe për diçka që ne e konsiderojmë luftë të drejtë dhe të pastër e dyta Haradinaj ka kaluar dy herë në mekanizmat ndërkombëtarë dhe treta angazhimi i tillë është që sa më shpejtë ai të kthehet në familjen e vet”.

Kuçi u shpreh i bindur 1 milionë për qind që ai nuk do të ekstradohet në Serbi.Ndërsa duke folur për situatën aktuale ndërkombëtare dhe në veçanti atë që ka të bëjë me integrimet evropiane dhe çështjet e sigurisë, Kuçi tha se ndër idetë e shumta për Ballkanin, është edhe ideja e Unionit Ballkanik.

Mirëpo sipas tij para se të jetësohen ide të tilla nevojitet ndryshim i ambientit shoqëror dhe politik.

E për këtë ndryshim tha se është e nevojshme njohja ndërmjet shteteve të Ballkanit dhe vet përmirësimi i raporteve ndërmjet tyre.

05/22/2017 21:58

Haradinaj: Kufiri është në Kullë dhe Çakorr dhe atje do të mbetet! (VIDEO)