Lajme

Fajon Kosovës: Mos bëni veprime të njëanshme për ushtrinë!

03/16/2017 16:42
nga:Gazeta Blic

Palët duhet të kthehen tek dialogu dhe Kosova nuk mund të bëjë veprime unilaterale lidhur me ushtrinë.

Ky është mesazhi i europarlamentares e raportueses për Kosovën në PE, Tanja Fajon në bisedë me Deutsche Wellen.

“Shpreh keqardhje të thellë për përkeqësimin e dialogut mes Kosovës e Serbisë, sepse ai është kardinal për të lehtësuar jetën e njerëzve atje, prandaj ne këmbëngulim që të dyja palët të mos e ndërpresin dialogun dhe të gjitha tensionet shtesë tani vetëm sa e dëmtojnë procesin”

“Do të doja të kishim një situatë tjetër, ne shohim tensione mes Kosovës e Serbisë së fundmi, situata nuk është më e mirë në Maqedoni, prandaj dua me emergjencë t’u drejtohem politikanëve përgjegjës të ulin tensionet, e të kthehen tek dialogu”.

Ndërkaq duke komentuar iniciativën e presidentit, Hashim Thaçi për ushtrisë e Kosovës, si dhe mos marrjen e mbështetjes së ndërkombëtarëve për këtë çështje ajo tha “Ne e dimë cili është pozicioni i NATO-s, ai i palës amerikane dhe BE. Kjo u theksua qartë edhe javën e kaluar. Të gjitha institucionet e bëjnë të qartë të mos ndërmerren veprime unilaterale për krijimin e ushtrisë. E unë i bashkohem këtij apeli”, transmeton Klan Kosova.

10/18/2017 07:21

MPB shënon ditën e BE-së kundër Trafikimit me Qenie Njerëzore